Фэйсбүүк 2012 оны гуравдугаар сарын 15-нд хаагдана. Дэлхийд хамгийн их хэрэглэгддэг Фэйсбүүк сүлжээг үүсгэн байгуулагч Марк Цукерберг Пало-Альтод болсон хэвлэлийн хурал дээр "Сайтыг удирдах хүндрэлтэй болсон тул 2012 оны гуравдугаар сард Сүлжээ үйл ажиллагаагаа зогсооно. Фэйсбүүк хяналтаас гарч, түүнийг удирдахаас үүссэн стресс миний амьдралыг сүйдэллээ. Би үүнд төгсгөл тавих ёстой” гэж мэдэгдэв.
Цукербергийн үгээр 2012 оны гуравдугаар сарын 15-наас эхлэн хэрэглэгчид өөрсдийн аккаунтдаа орох боломжгүй болох юм байна.
Фэйсбүүк компанийн техникийн асуудал хариуцсан дэд захирал Аврат Хумарти "Та өөрийн зургаа дахин үзэхийг хүсэж байгаа бол цаг байгаа дээр интернетээс зургуудаа татаж аваарай. Фэйсбүүк бизнесээ орхисны дараа та зургаа авах боломжгүй болно” гэж мэдэгдсэн байна.
Түүнээс гадна Цукерберг "Үнэнийг хэлэхэд би энэ шийдвэрээ зөв гэж бодож байна. Сүлжээ байхгүй бол хүмүүс гудамжинд гарч жинхэнэ найз нөхдөө олох болно. Энэ сайхан хэрэг шүү” гэж хэлжээ.
А.Тэргэл
Эх сурвалж МАСС.МН
Categories:
Сонин хачин
