Монголоос минь сайхан газар хаа байна
Хүний нутгийн жавар жиндүү юмаа
Хүслээр болдоггүй хорвоо хатуу юмаа
Санахын жаргал гэдэг дэндүү юм аа
Сар өдөрийг тоолох нь удаан юм аа
Саранд би хүслээ шивнэлээ
Салхи надаар жоохон тохуурхав
Саналаа гээд зүрхээ аргадлаа
Сайхан бүхэн минь МОНГОЛ минь үлджээ
Хан мөрөнийг магтах л юм
Хатан туулаас минь тунгалаг гэж үү
Хаа сайгүй хиймэл уулс нь
Хангайн нурууг минь гүйцэх билүү
Хөгжил сайтай ч хүний нутаг
Хөх монголоос минь уужим билүү
Хүн ард олонтой гэхээс
Хөрсөндөө ямар баялагтай биш дээ
Тэнгэр багандсан барилга гэнэ
Тэхийн зогсоолоос минь сүртэй гэж үү
Тэнэгэр уудам Монголын минь
Тэн хагаст нь хүрнэ гэж үү
Categories:
Шүлэг
